金記客棧 (已結業)

今日难得朋友约我去数码港睇戏，顺便入去行下草地。竟然咁啱得咁桥戏院隔离又系金记品牌，数码港呢间名为客栈，唔系冰室。呢间多左个烧味部同埋有避风塘系列，但其实冰室嘅野都有提供。Menu唔再玩乒乓波拍而系美味秘笈，可惜嘅系因为时间太早，试唔到避风塘海鲜，要试只能食晚餐了。黎金记当然都系唔少得红豆冰，红豆大大粒，奶味重，虽然肥到爆，但炎炎夏日，肥就肥啦。叫左个椒盐九肚鱼，炸得好松脆，咸味啱啱好，鱼肉嫩，份量都足架！仲有个烧鸭，上碟好似贵价酒楼咁，碟底有蜡烛仔热住，值得赞下，味道方面都正，有汁唔会太难咬，估唔到做开冰室都可以做到酒楼烧味水准，例牌都大大碟。可惜要赶住去睇戏，其实环境真系好好坐。希望下次有机会试到海鲜啦，不过数码港真心有点远呢！