皇朝私房火鍋

营业中

休息中

无啦啦，我哋兴用个「真」字强调一件事。但系，海鲜就海鲜啦，咩叫「真」？当然，M记鱼柳饱夹𠮶块鱼柳都系真，但经过n重加工咁鲜。如是者，除咗食刺身，都冇乜可能食到最raw最真嘅海鲜。系连你阿妈夜晚撚两味，都要落盐加鼓油。咁煮法，已经叫好轻手。于是，饮食版朋友推介，要真味就要去皇朝！一行8人，终于明白何谓「真」。真者，重原味，无须加添任何配料，简单嘅荷叶蒸锅煮，忠实呈现材料原汁原味。大胆讲，只要够fresh够天然，而且蒸煮控制得宜，唔使用任何勺钻方法煮嘅菜都好好味。大大只青口、带子、濑尿虾、蟹、鲜鱼……大啖大啖品尝无添加嘅原味。事前，老板特登落定米同水喺锅嘅下层，上层一路蒸煮海鲜，下层一路滚粥，同时尽收上层食材香气余韵。最后一道菜，正系呢锅饱肚粥，即使得米粒同菜，经过上层多重蒸煮后已经尽收百味，调配出无可比拟嘅百鲜之味。呢餐教人一试难忘，亦为我哋上咗宝贵一课︰海鲜同揾老公一样，真材实料最重要。老板亦好健谈，详细讲解选择食材之心得。寻常住家菜，有著一般认为顶级。大厨带至俾到你嘅好味道埋单，友情价位位$380。系贵，不过，此刻鲜味无价。