影片
更多
2023-09-28
331 浏览
此店以希腊乳酪作招徕，在甜品店林立嘅香港地之中，算是略为罕见。废话唔多，直接进入食评。火龙果芒果希腊乳酪芝士蛋糕味道：成件蛋糕味道最突出嘅系消化饼，之后系淡淡微酸嘅乳酪味，而水果味就排到最后最后，只有非常轻微的芒果香，几近于无。火龙果味更是从头到尾都没有出现过，但火龙果本身就无咩味，呢点非战之罪。口感：间店虽然强调希腊乳酪，但食落并无咩特别「乳酪feel」，同一般奶冻差不多。好多其他食评称赞佢「轻盈绵滑」，呢一点我不否定。毕竟用咗希腊乳酪，自然会比纯cream cheese轻盈啲。不过，如果卖到$88一件，都只得一句「轻盈绵滑」值得讲，咁就真系好普通了。当你将乳酪芝士蛋糕连同两层jelly一齐放入口中，你会明显感受到jelly嘅质感，而乳酪嘅质感就不太有辨识度，导致每一口都好似食紧有乳酪味的jelly，再加上小小水果味的余韵。饼底就是消化饼底，同市面上随处可见嘅cheese cake饼底无分别，但由于乳酪味同水果味都不出众，结果就是饼底喧宾夺主。卖相：整体都系紫色渐变，都几养眼，芝士蛋糕同水果jelly层次分明，好睇。蛋糕上面有两粒芒果，外表就同佢嘅味道一样，唔生唔熟又唔甜，令件蛋糕外
火龙果芒果希腊乳酪芝士蛋糕
味道：
成件蛋糕味道最突出嘅系消化饼，之后系淡淡微酸嘅乳酪味，而水果味就排到最后最后，只有非常轻微的芒果香，几近于无。火龙果味更是从头到尾都没有出现过，但火龙果本身就无咩味，呢点非战之罪。
口感：
间店虽然强调希腊乳酪，但食落并无咩特别「乳酪feel」，同一般奶冻差不多。好多其他食评称赞佢「轻盈绵滑」，呢一点我不否定。毕竟用咗希腊乳酪，自然会比纯cream cheese轻盈啲。不过，如果卖到$88一件，都只得一句「轻盈绵滑」值得讲，咁就真系好普通了。
当你将乳酪芝士蛋糕连同两层jelly一齐放入口中，你会明显感受到jelly嘅质感，而乳酪嘅质感就不太有辨识度，导致每一口都好似食紧有乳酪味的jelly，再加上小小水果味的余韵。
饼底就是消化饼底，同市面上随处可见嘅cheese cake饼底无分别，但由于乳酪味同水果味都不出众，结果就是饼底喧宾夺主。
卖相：
整体都系紫色渐变，都几养眼，芝士蛋糕同水果jelly层次分明，好睇。蛋糕上面有两粒芒果，外表就同佢嘅味道一样，唔生唔熟又唔甜，令件蛋糕外观直接downgrade咗，一大败笔。
总结：
不难食，但也不会特别好食。除咗外观之外，成件食哂都无咩记忆点，制作技巧一般，无突出之处。$88一件regular slice，真系试一次就够。
火龙果芒果希腊乳酪芝士蛋糕
$88
62 浏览
0 赞好
0 留言
张贴
