麦先

营业中

休息中

香港其中一间出名既拉面, 主打酱油拉面。除左出名好食外, 店长既个性都系呢间店既名气之一。 今次就试下碗拉面系咪同店长一样咁有个性。早放工果晚就黎试下, 唔洗点排队就入得。上枱后先打张卡, 望起似一碗好食既拉面 汤底： 拣左特制酱油拉面,  汤面有鸡油覆盖, 但饮落完全冇油既感觉。可能有鸡油覆盖住, 食到最后拉面汤都未变凉。汤头饮落顺喉, 亦冇苦涩味(酱油汤底过浓时会有呢个问题)。 配上拉面食唔会过咸或唔够味, 食完个面都冇口渴或饱济感。面质： 虽然使用幼面, 但几弹牙, 食到最都唔淋, 如果再硬啲更好。配料:叉烧：叉烧有二款，各有两块。店员话今天系使用鹿儿岛猪,  猪腩肉明显多阵油香味,  而猪肩肉就猪味较重。味蛋： 蛋流心, 煮得岩岩好, 唔会过生过熟, 但渍得唔够耐, 味道淡左啲。荀：同大多店一样, 都有少少荀臭味。  荀尾切开一丝丝, 食落几爽脆。 结论:可能期望过高, 冇想像中咁惊艳, 但系一碗好拉面要有既元素佢都有。同其他拉面店相比, 不论拉面味道或环境都十分舒适。如果唔洗排队, 都值得一试, 始终香港好食既酱油拉面唔多。