松坂庫 (已結業)

一直都系好钟意食手卷嘅人，个人唔会当正餐咁食，主要系好多时正餐唔够饱，然后去补飞嘅。是夜同朋友打完边炉，实在唔系太够，所以回家途中，行经松坂库，决定食多条手卷先番归，以免夜妈妈先嗌肚饿。手卷款式都几多，左拼右拼都有超过30款，基本上想要嘅款式都有，价钱由10蚊至45蚊不等，视乎款式。最平嘅系螺肉手卷($10)，比较贵价嘅有蟹膏、半版海胆、拖罗、和牛海胆、鹅肝等，都系45蚊，而我见到有优惠就话惠顾饮品，可以以35蚊换购呢啲贵价款，价钱都算几大众化。客人要先去收银处落单，然后等师傅握好手卷，店内有几张高枱可供即时食用，客人亦可外带。因为只系两条手卷，同买左一盒寿司，唔会花好多时间，我地就即时食埋先走。火炙蟹籽帆立贝 $25：帆立贝有两大粒，加左少少烧汁，几好食，入口爽，几新鲜架。而且火炙过味道更香。面头有少量蟹籽，口感更丰富。只系我之前食过同款手卷，虽然面头系帆立贝，但因为蟹籽份量都平均卷起入面，所以食到尾都会有少量蟹籽，不至于太单调。不过今次呢条大概食到一半，就冇哂料噜。