夏銘記 (已結業)

呢间应该系我食过最好食嘅鱼蛋粉本身我个人就唔好食鱼蛋同鱼片 平时食鱼蛋粉我都会叫牛腩/墨丸但嚟呢间就一定要叫鱼蛋 因为啲鱼蛋粒粒手造 你食梗嘅隔离就有一个伯伯亲手打梗 粒粒都爽口弹牙 个河粉都好好食 唔会好易碎同散 汤底系好清 所以更加食到丸嘅鲜味呢啲都唔系重点 重点系第二张相 个厚切鱼蛋痴线 呢个真系世界级好食嘅鱼片厚切嘅鱼片就咁睇样已经好滑 食落劲juicy 啲汁会系口腔到标哂岀嚟 但咬落又爽又软熟 口感同味道都一流 点埋佢哋嘅辣椒油 又系另一个味道 我prefer 原本咁食 先食到佢鱼片本来嘅鲜甜 呢个鱼片必食注意：间嘢系好好食，但都几串吓，睇openrice 话店主嫌人食得慢，唔畀小朋友入去食，我𠮶日去到唔够位，有人想搭枱，但咁啱𠮶枱店主婆婆（一个人）食梗饭，佢宁愿叫个客喺岀面排队，都唔想搭枱，我觉得都正常嘅，人地日做夜做咁辛苦，食饭自然想有私人空间，个客等一吓几咁闲，反正都只系几分钟，至于小朋友唔畀入，讲真有啲细路食餐饭真系成粒钟，lunch hour 翻枱一个钟可能入到四五个客人，食得慢又真系阻住人㖞，咪叫外卖食啰。