影片
更多
2015-01-27
3270 浏览
帕莎22-01-2015手舞「烛」蹈 食表演嘅新疆菜帕莎餐厅闻名已久，初次到访，出䢂已经有惊喜，门口充满新疆风情嘅装修，以为去咗博物馆😅RECEPTIONIST 教我哋新疆习俗，扶起特式水壶，喺入门前洗三次手，入到去，布置非常有特色，场内除咗经理，全部员工都系著新疆民族服装！ 嚟帕莎，最震撼系肚皮舞表演！食紧前菜时，突然间灯光转暗，响起强劲音乐，一身性感打扮嘅女DANCER头顶烛台扭动蛇腰进场，另一个DANCER亦不甘示弱，手舞足蹈竭力表演。期间更邀请客人一齐跳，气氛炽热。呢个应该系帕莎座无虚席嘅原因。 枱面有个好特别嘅器皿，原来系调味架，有孜然粉，盐同红辣椒粉，非常精致。 难得嚟呢度，尽量点啲特式嘢，由饮品开始。黄玉沙雪$62以芒果为主，配以薄荷玉桂乳酪雪碧而成嘅MOCKTAIL,食完辣嘢饮非常舒服。四宝茶$42即系用雪耳、杞子一齐焗嘅香片茶，饮落有饮汤嘅感觉。😅新疆咸奶茶$42类似西藏酥油茶，都系奶味重过茶味，饮落有淡淡咸味，饮完全身暖笠笠。 自制新疆包配合桃橄榄酱、鸡肝酱(原价$88,呢份系送嘅)做型特别味道普通兼且冻，两个
帕莎
22-01-2015
手舞「烛」蹈 食表演嘅新疆菜
帕莎餐厅闻名已久，初次到访，出䢂已经有惊喜，门口充满新疆风情嘅装修，以为去咗博物馆😅
RECEPTIONIST 教我哋新疆习俗，扶起特式水壶，喺入门前洗三次手，入到去，布置非常有特色，场内除咗经理，全部员工都系著新疆民族服装！
嚟帕莎，最震撼系肚皮舞表演！食紧前菜时，突然间灯光转暗，响起强劲音乐，一身性感打扮嘅女DANCER头顶烛台扭动蛇腰进场，另一个DANCER亦不甘示弱，手舞足蹈竭力表演。期间更邀请客人一齐跳，气氛炽热。呢个应该系帕莎座无虚席嘅原因。
枱面有个好特别嘅器皿，原来系调味架，有孜然粉，盐同红辣椒粉，非常精致。
难得嚟呢度，尽量点啲特式嘢，由饮品开始。
黄玉沙雪$62
以芒果为主，配以薄荷玉桂乳酪雪碧而成嘅MOCKTAIL,食完辣嘢饮非常舒服。
四宝茶$42
即系用雪耳、杞子一齐焗嘅香片茶，饮落有饮汤嘅感觉。😅
新疆咸奶茶$42
类似西藏酥油茶，都系奶味重过茶味，饮落有淡淡咸味，饮完全身暖笠笠。
自制新疆包配合桃橄榄酱、鸡肝酱(原价$88,呢份系送嘅)
做型特别味道普通兼且冻，两个酱味道特别但唔算好味。
大菌香辣蒜茸拍青瓜(原价$68,用COUPON所以免费)
都系辣椒酱捞青瓜同磨菇，青瓜够爽，作为为前菜几开胃。
凉拌彩丝$68
另一个头盘，由芽菜，甘笋丝、青瓜丝同腐皮加麻油捞匀，冰凉清爽。
牙签羊肉$88
将串烧羊肉切粒，用牙签串起方便食，肉质JUICY香口，最适合做送酒小食。
烤鸡、羊肉串$78
烧得稍嫌过火，无咩肉汁，无调味，只有孜然粉椒盐红椒粉另上，差过街边小贩💔
手抓烧饼$48
既不香脆也无热度，油腻腻冻冰冰，我宁愿要块M记早晨热香饼都好过啪啖油入口💔
两味葡萄鱼$228
两味系指一条鱼两款煮法跟两款汁，真系好似食神入面条锦绣双味鱼咁，分别系蛋白汁拌蒸鱼片同酸甜炸鱼片配葡萄。
呢个𩠌最靓系上枱后进食前😫老实讲蛋白汁同鱼片完全唔挐经，鱼片仲要系腥嘅😑，酸甜鱼块唔脆唔松化，系个汁正常啲。伴碟嘅葡萄作用只有伴碟。对味道完全无影响。
新疆古法烤春鸡$188
烧鸡做得松化嫩滑，外层香料十足，上枱时已经香味四溢，虽名为烧鸡，但完全唔热气，而且十分惹味，多食都唔觉腻。
整间餐厅都充满新疆风情，精彩嘅表演令客人愿意支持。可惜十清一浊，唯独食物未能配合，如果可以弥补呢个缺憾，应该能成为名实相符嘅新疆餐厅。
张贴
