豐園韓國料理 (已結業)

一个$388嘅套餐有普通烤牛肉+普通烤猪肉+人𥮾鸡汤。先嚟嘅系极速上枱嘅人𥮾鸡汤。点解叫极速？因为待应落完柯打，转个身已经捧出嚟上枱。一睇，对版。有齐人𥮾，鸡，汤。一食，不妙。无人𥮾味，无鸡味，连塩味都无，糯米亦稀少。如果蒙住眼食，一定以为自己食紧超稀粥水。再嚟就系烤肉。份量偏少，颜色亦唔新鲜，瘀瘀地咁。肉质松软，但零肉味，只有韩式腌肉嘅甜甜地味。另外，配菜系无免费refill，要嘅话，$10一碟。试问三嚿薯仔或几条芽菜又值唔值$10呢？最离奇，茶钱每位$5。去茶记都有免费茶水啦。收咁贵，重要收茶钱！除非你愿意俾20%溢价，否则只会食到一肚气。