Tommy Yummy (翡翠中心)

营业中

休息中

餐厅装潢超有心思，有打卡位既落地玻璃座位，仲有个风格好夏天feel。餐厅主打泰菜，甜品及饮品必定要点，因为超靓超好食。晚市6点半入座，已经几乎满座，可见人气极高。椰香青咖哩鸡配薄饼($98)，咖哩浓稠微辣，鸡肉软而冇骨，方便配搭薄饼食，咖喱入面仲有小圆瓜(?)，口感好特别。薄饼已经分成小块，烘过带酥脆。沙爹牛肉串($62)，必配海鲜酸辣汁，酸味突出，好惹味。牛肉口感ok，重点系个杯好靓。芒果乳酪叠叠冰($118)，芒果打烂变成冰花、芒果砖，芒果砖仲要有芒果肉添，多重口感。食到中间就有暖暖糯米饭，黏稠软糯。仲要有支芒果棒，夏天食凉透心，仲岩哂打卡。面头仲有芒果棒，仲要好甜。淋上椰奶更香。椰香菠萝飘雪($55)，超重椰奶味，菠萝肉已打碎，2种味道超夹，而且点缀既菠萝片超好食。粉红椰子水($42)，靓靓粉色椰子水，第一啖饮，原来d冰入面藏住花瓣，啖啖花香及椰子味，完全唔系普通一杯椰子水。有惊喜。整体，餐牌上既饮品选择非常多，每样都好吸引，重点系超好饮。大推for约会、打卡，食物质素有保证。而且侍应有礼貌添。