更多
2020-06-26
882 浏览
六月系我嘅生日月🙈,会比较多外出用膳,呢晚放工朋友约咗我去铜锣湾食饭,佢哋竟然带咗我去食中菜😂,无谂过啰...,哈哈。不过原来系去誉宴,食物有信心保证同环境好坐。我哋一行三人叫𩠌食饭,并问部长有乜推介,除咗苦瓜无叫外,其他都跟佢点菜😆。餐前小食($20)系凉拌木耳,有少少辣,都几开胃!既然小食一定要食,我宁愿佢俾木耳我,好过花生、荞头多多声,咁样俾钱都俾得顺气啲🙈。黑蒜炖鸡汤($68/位),一人整返一碗靓汤先,🐔鸡汤味道好浓郁,虽然系用咗好多黑蒜煲,但其实饮完唔会成口蒜味,而且每粒蒜粒均炖到好淋身,可以食埋。听讲黑蒜好有益的,酒楼仲话系抗疾之选,哈哈。另外,汤料亦有不少鸡件同螺肉。鲜菠萝脆皮咕噜肉($128),本身部长话呢到嘅咕噜肉出名,我心谂推介埋啲咁大路㗎🙄。不过其中一位朋友好钟意食,就一于试下吧。未讲卖相同味道之前,呢碟菜嘅份量已经抵赞,而且最重要系热辣辣炒起,有获气!我敢讲呢碟咕噜肉系我食过最出色嘅😋,必食!首先,餐厅系用上新鲜菠萝作材料,并以个果壳盛住啲咕噜肉,🍍新鲜菠萝同罐头菠萝嘅味道明显有分别,新鲜嘅会较酸同无咁多渣。第二,脆皮咕噜肉嘅脆皮真系正到不得了,脆到好似食紧拔丝
我哋一行三人叫𩠌食饭,并问 部长有乜推介,除咗苦瓜无叫外,其他都跟佢点菜😆。
餐前小食($20)系凉拌木耳,有少少辣,都几开胃!既然小食一定要食,我宁愿佢俾木耳我,好过花生、荞头多多声,咁样俾钱都俾得顺气啲🙈。
$68
19 浏览
0 赞好
0 留言
$128
32 浏览
0 赞好
0 留言
$128
24 浏览
0 赞好
0 留言
$128
21 浏览
0 赞好
0 留言
$128
27 浏览
0 赞好
0 留言
清蒸沙巴龙趸($120),有骨嘅鱼我就好少食😅,但身旁两位美女都好喜欢,咁就无计啦。好彩条鱼都几大条,所以易拣骨之余,夹出嚟啲鱼肉不会太碎。鱼肉新鲜,颇鲜味🐟。
食完正餐后,店员为我哋送上 糖水-马蹄露,糖水甜甜的,马蹄就爽爽的😚,美味。
朋友们其实买咗蛋糕俾我,但唔知餐厅切唔切得,所以开头只系托餐厅帮忙雪住,后尾食完饭拎返谂住转场食蛋糕时,点知姐姐劲好问我哋系咪切埋,仲递上叉碟,点解可以好人到咁🙏🏻。
食完饭离开时,我哋忍唔住系咁喺门口打卡📸,话哂都系婚宴场地,🌸条花海楼梯好靓靓呀。
总括嚟讲,誉宴真系好高质,食物、环境同服务都攞满分💯。价钱其实我又觉得唔算贵㖞,屋村 酒楼都成$8x-$9x一碟𩠌啦,我哋今餐人均计$2xx,好合理。晚市茶芥$30就系贵啲。如果一班人聚会想揾个舒服地方食中菜,我一定会推介呢到,仲可以叫一围𠮶啲晚餐添!
张贴