Tapa Room (積福大廈)

营业中

休息中

最近去左铜锣湾一间酒吧餐厅「Tapa Room」，一开始被餐厅嘅环境所吸引，估唔到食物都好有惊喜！食物：我哋总共叫左六款食物《薄切慢煮八爪鱼》- 口感柔嫩唔韧，配上独特酱汁，好味😋《棒棒鹅肝》- 鹅肝味非常香浓，咸度略高。《薄切吞拿鱼》- 卖相一流，而且吞拿鱼新鲜唔腥。《巴塞隆拿式烤红虾》- 酱汁非常香浓而且虾肉鲜嫩，系我最喜欢嘅一道菜！《西班牙黑毛猪肉丸》- 肉丸保留住肉汁同鲜味！如果唔系炸嘅会更好！《烤煎慢煮西班牙黑毛猪鞍架配些厘醋烧汁伴炸薯粒》- 肉质鲜嫩唔会太肥，食多几件都唔觉滞，卖相同味道都唔错！环境：呢间系酒吧餐厅，适合收工饮酒食饭倾偈！设计带有工业风，门口仲有个好靓嘅打卡位。服务： 侍应非常有礼貌，服务很好👍🏻