芳華絕代 (已結業)

芳华绝代嘅霓虹灯可能系好多人钟意嘅打卡点，我呢个肥毒去食晏就无点留意只挂住食啦。泰式金边粉炒得条条分明，而椰子鸡汤车仔面就睇汤头浓郁。午市有套餐拣完主菜加钱就可以要小食，卤水猪髀饭嘅猪髀份量好多而且非常软嫩又唔会散开哂，卤水味唔算太重加埋个酸甜汁就刚刚好！至于虾饼同素菜春卷不过不失，小食嚟讲都唔错。而紫薯鲜奶就味道较淡，如果紫薯份量多点应该会更香浓！芳华绝代嘅环境好好，座位阔络又有落地大玻璃窗，加上各种霓虹灯，系一个有气氛适合同朋友小聚嘅地方。