嘆嘆

营业中

休息中

响韩阁同一个舖位入面划分左一棵树出黎做另一间餐厅，是以台式轻食甜品咖啡店。.餐厅个叹叹套餐C几抵食，$138包一个$68或以下主食/小食，$48或以下的饮品加$68或以下的甜品，账面唔计补差额都悭左差唔多$50！抵阿！① 叹叹招牌牛肉面 $88呢碗招牌面几多料，牛肉同萝卜够腍够入味，面质软硬适中，汤底亦几香浓好味。② 秘制卤牛展拼手炒葱油面 $68牛展够腍，好食过牛肉，不过重点系好香既葱油拌面，有我最钟意既炸蒜同葱头。同牛肉面系同一只面，但饼面太干成块饼咁，要加酱油捞返散个面，好彩唔会太咸，而且口感比汤面Q弹，好食。③ 花雕盏菊醉鸡翼 鸡翼几大只，不过唔系太重酒味。④ 香芒杂杂 $88呢份以芒果为主打既甜品，摆盘几有心思，中间用芒果砌朵花，几鲜甜。千层蛋糕几Creamy，中间有一层鲜芒果，面层有脆脆，口感丰富。仲有芒果雪糕加芒果粒同芒果汁，三重味道更浓。芒果布甸加花奶系最夹既组合。呢份啱晒爱好芒果既我，正阿！⑤ 梦 士多啤梨蓝橙乳酪特饮 $42⑥ 恋 富士山 紫薯奶盖3.6牛乳特饮 $38呢两杯饮品绝对打卡able，梦幻橙蓝色望落好似海滩，好夏天既感觉，口感有少少似沙冰，味道唔会太甜。