Layback Cafe & Bar

营业中

休息中

享受悠闲嘅时光，被layback cafe个名吸引到，入面有个打卡area放左好多大大只🐻仔、草泥马🦙，天花板有大大个月亮🌕高挂，坐喺入面已经觉得好relax。见到佢哋喺食蟹嘅季节新推出生拆蟹粉拌北京拉面，我同朋友不约而同想试，一上枱已经香气四溢，摆盘亦非常精致，用咗中式瓷碗装住蟹黄，喷上少许女儿红，增添香气，蟹黄份量非常足，幼身嘅北京拉面吸收晒蟹黄嘅精华，入口香浓，回味无穷。另外试埋油封鸭脾配窝夫，伴碟有红酒同埋橙味嘅啫喱，色彩缤纷，油封鸭脾肉质酥软，连埋窝夫食好特别。甜品试左MATCHA Affogato，香草雪糕细腻甜软，浓浓的奶香味，夹著杏仁香气，加埋抹茶食，沈稳的茶香味带出另一种风味。饮品拣咗夏天清新之选，Earl’s Summer鸡尾酒同埋Sor berries 奶昔。Earl’s Summer用咗Bombay Sapphire Gin酒做base，再加入鲜榨芒果汁，热情果同埋伯爵茶，饮到清甜嘅果味，易入口；Sor berries 奶昔充满果香，又有酸甜滋味，吾会太甜。