Nomad (已結業)

星期日同朋友出街，但外面阴天天气唔好又落雨唯有去Cafe𠮶度坐下倾吓计。呢间Cafe有两层，楼下有楼梯嘅打卡位，我哋俾人安排咗去第二层。第二层其实环境有啲暗。因为完全遮住咗个窗但系就有种工业风嘅感觉。餐牌有lunch set拣，同埋Cafe必备嘅嘢饮餐牌 。菜式有啲似日式同外国菜fusion嘅感觉<蒲烧鳗鱼汉堡>睇相都知我条鳗鱼有几大啦，突晒出嚟，呢个配搭都真系几特别。唯独是我觉得佢嘅口感唔够丰富因为除咗鳗鱼同埋几条菜之外，入边系冇任何配料嘅。隔离嘅薯条反而有惊喜，佢系一个青柠盐味薯条，食落去咸得来又有少少清新嘅感觉，都几开胃㗎。<cappucino>呢度嘅咖啡比出边嘅咖啡大杯，而且佢个拉花都好靓。非常满足既一餐！