LIFETASTIC Patisserie (創紀之城五期(apm))

营业中

休息中

之前去澳洲miss咗去食呢个西瓜蛋糕。后尾香港开分店，仲要越开越多。趁朋友要移民，点都要买个同佢farewell。由于一大班人所以买咗个大嘅。价钱嚟讲系有少少偏贵嘅，但系都试下啦。其实佢最好预早订比去到铺头现买好啲。打开个蛋糕，已经闻到阵阵花香味。佢表面嘅食用玫瑰🌹都真系几出色好睇得嚟又够香。分层都做得好好。见到佢层层分明。由于佢有层系西瓜，个蛋糕都比较易有出水嘅情况，最好买咗就尽快食。我哋𠮶时迟咗食都有少少出水。佢嘅味道都好特别，好浓郁嘅花香味，加上西瓜嘅清甜味。食完之后成个口腔都系𠮶阵玫瑰花香味。如果系钟意花香嘅人会好钟意。但我个人就麻麻啲呢阵味。同埋唔系好食到蛋糕，对我嚟讲呢个都必系可以叫做蛋糕。但个体验系几新奇嘅。如果未食过想试下呢个新奇嘅蛋糕都系好嘅。