家樂茶餐廳

营业中

休息中

今日落街食饭经过骏业街试吓呢间工厂区食堂，价钱味道都几贴地。每逢中午食饭时间，家乐茶餐厅条楼梯都挤满左好多人，环境干爽，枱与枱之间都有一段距离，茶餐厅伙计爽快安排座位，每日餐牌都有唔同嘅款式，今日我就试吓食鸡翼炒公仔面。碟炒公仔面一嚟到已经闻到一阵洋葱爆香嘅味，我即刻拎起筷子就夹嚟食，公仔面同洋葱爆炒充满镬气，面质干爽，唔会好油，鸡翼炸到香口，食到咁上下，加埋豆瓣酱捞住食都几滋味，冻奶茶茶味浓，突显到茶餐厅嘅特色。平时午餐都系$40左右，到咗1:45后就会有下午茶炒粉面，所以成个套餐都系38，唔怪得知咁多上班人士挤满楼梯，对于我呢个街坊来讲，以后有多个地方食好嘢。