影片
更多
2024-09-15
805 浏览
呢间舖开咗冇几耐就已经有几十个食评个个都赞，虽然都预咗大部份系Foodie嘅手笔，但系都系忍唔住今晚去咗帮衬，谂住至多都系伏一次啫有几大件事。两个人叫咗三样𩠌，蚝仔粥，椒盐九肚鱼同埋小炒王。椒盐九肚鱼哗其实都唔使讲嘢大家望吓幅相，系我食剩嘅，佢炸得唔够松化，粉浆又冇味，鱼又薄又冇肉，至惨就成碟都炸得好油！之后第二碟小炒王，望埋去有啲奇怪，因为佢用咗好多炸芋头条而唔系用韭菜花，其实如果佢好食嘅都冇所谓，但系啲芋头又唔松脆，又实又硬，夹咗两粒腰果不得了点解会咁腍㗎？ 忍唔住同个侍应讲个侍应态度好好咁话同我炒过一碟，10分钟之后佢嚟咗一碟新嘅，其实我觉得系等于头先𠮶碟再喺面上边加啲新嘅腰果，哗哗哗不得了𠮶啲新嘅腰果有突破因为佢仲谂过之前𠮶啲，而旧𠮶啲腰果仍然喺入边，没有最腍只有更腍。对住一碟劲腍腰果搭硬芋头嘅小炒王我都唔知点样食落去，其实煮得唔好食已经系一个问题，但你仲要耍我又话炒个碟咁先令人气愤！ 个厨房如果有心做嘅，自己试吓碟腰果就知道唔可以拎出嚟俾客人食啦，咁嘅态度做食肆就冇得救啦！全晚唯一可以入口嘅就系个蚝仔粥，豪仔饱满又够多，但系其实佢嘅味道又唔系正宗潮州式嘅蚝仔粥嚟，算啦都唔好怪
两个人叫咗三样𩠌，蚝仔粥，椒盐九肚鱼同埋小炒王。
椒盐九肚鱼哗其实都唔使讲嘢大家望吓幅相，系我食剩嘅，佢炸得唔够松化，粉浆又冇味，鱼又薄又冇肉，至惨就成碟都炸得好油！
之后第二碟小炒王，望埋去有啲奇怪，因为佢用咗好多炸芋头条而唔系用韭菜花，其实如果佢好食嘅都冇所谓，但系啲芋头又唔松脆，又实又硬，夹咗两粒腰果不得了点解会咁腍㗎？ 忍唔住同个侍应讲个侍应态度好好咁话同我炒过一碟，10分钟之后佢嚟咗一碟新嘅，其实我觉得系等于头先𠮶碟再喺面上边加啲新嘅腰果，哗哗哗不得了𠮶啲新嘅腰果有突破因为佢仲谂过之前𠮶啲，而旧𠮶啲腰果仍然喺入边，没有最腍只有更腍。对住一碟劲腍腰果搭硬芋头嘅小炒王我都唔知点样食落去，其实煮得唔好食已经系一个问题，但你仲要耍我又话炒个碟咁先令人气愤！ 个厨房如果有心做嘅，自己试吓碟腰果就知道唔可以拎出嚟俾客人食啦，咁嘅态度做食肆就冇得救啦！
全晚唯一可以入口嘅就系个蚝仔粥，豪仔饱满又够多，但系其实佢嘅味道又唔系正宗潮州式嘅蚝仔粥嚟，算啦都唔好怪责碗粥啦，如果冇佢，我今晚就空住个肚走人。
张贴
