肉浦團火鍋放題

营业中

休息中

捉紧冬天既尾巴，趁天气热之前快啲打多几次边炉先！呢间肉蒲团火锅系无意中行女人街发现，同一座大厦都有好多野食，最岩心水就系火锅啦。今次食set c, 叫左个清酒卜卜蚬汤底，味道清甜而且有好多蚬，啲蚬都洗得好干净而且粒粒都好厚肉。坐喺无耐店员会上左一个牛肉拼盘先，比我哋试晒甘多款牛再决定续边一款，而且都好细心地有埋牛肉名牌。呢间店有别其他店之一既地方系疏菜，佢哋啲瓜类例如冬瓜、萝卜、莴苣等都系切到好大份，惊死你唔够食甘！我劲钟意，食落口感大满足，而且可以食到好juicy!我最钟意系佢哋既芋头，真系好粉糯，完全无一旧系生水的，我食左好多旧，真心大推！仲有虾都好新鲜，食落肉质弹牙！整体环境坐得好舒服，位置宽敞唔会逼！疏菜、丸类、熟食及饮品都可以自行出去大堂拎，而肉类及海鲜等就系扫code下单。店员好主动收走空碟，上菜速度都好快。