鮮入圍煮 (已搬遷) 新店位置

之前有朋友提议过嚟呢间打边炉聚旧，因为时间唔啱就唔到: 一系就太早，一系就太夜。所以放弃咗，今次时间夹得啱就嚟一次。首先墙身有九龙皇帝写毛笔字；环境系一个干净的街市，有得即㓥海鲜； 同时又充满大排档地踎的风味。酱料简而精， 由于食物够鲜，所以酱料唔系重点。浓厚原只鸡煲花胶汤(小)有成只鸡，鸡肉好嫩滑，有好多块花胶，花胶吸晒啲鸡汤好入味。西班牙猪腩肉就算渌超过十秒，啲肉都唔会韧。皇帝菜新鲜，同花胶的味道好夹。爆炸姜汁皮蛋贡丸入面有姜同皮蛋粒，咬一口，汤汁略略流出唔会烫亲个口，又食到皮蛋姜味。鲜腐竹滚几滚，腐竹就腍。土耳其果汁汽水分别叫咗苹果同埋柠檬味，但系我比较钟意苹果味多啲， 柠檬比较浓，苹果清香，有气，似饮紧冇酒精气酒。