上品火鍋料理

营业中

休息中

鲜花系指排盘嘅花，雪花系指牛肉嘅雪花纹。排盘排得靓，肉质又靓，呢餐打边炉就当然食得心情靓啦。聚会拣打边炉就最开心啦，人多可以拣多啲配料啊嘛。一向打边炉我都唔太在意啲摆盘，但今次呢间餐厅啲排盘又几吸引我嘅注意喔。啲海鲜摆盘几靓，有啲鲜花陪衬睇落都好似新鲜啲。另一个吸引我注意嘅系牛肉拼盘啲雪花，一睇就知好食果种。我地叫嘅鸳鸯汤底，鲜茄薯仔牛粒锅拼秘制马来沙爹锅，我就中意鲜茄多啲，番茄味几浓郁，但又唔会太咸，唔错。一齐都叫咗十几样嘢，打边炉啲配料都唔错，无出现唔新鲜嘅情况，质量都算中上。仲叫咗一款小食：四川口水鸡，味道都唔错，啲鸡几嫩滑，酱汁惹味香辣。