金牌小龍 (已結業)

Isquare裹面，有好多餐厅，有边间你觉得性价比超高呢？沿用咗台湾式嘅点菜模式，一张简单嘅纸，包括晒所有嘅食物同价钱，方便选择。今次叫咗麻辣金钱肚、姜汁炒芥兰、红烧牛三宝面、金牌小笼包同埋豉汁蒸黄花鱼。麻辣金钱肚非常入味，份量适中，当中有辣椒丝，姜丝同芫荽做伴碟同调味，唔错。姜汁炒芥兰芥兰非常新鲜，食咗一条即刻忍唔住夹第二条黎食。色水亦都唔错，系翠绿色嘅。芥兰硬度适中，所以口感不俗。红烧牛三宝面依个面令我留下几深刻印象，三宝包括牛肉牛筋牛肚。先唔讲佢哋嘅牛筋牛肉炆到几淋几好味，净系讲个汤底已经值回票价。$52食到个汤底呢个份量呢个质素，仲要系尖沙咀。个面亦系一般台湾牛肉面底，正。金牌小笼包$38有5个小笼包，物超所值，系一定要叫嘅食物。豉汁蒸黄花鱼豉汁味浓郁，黄花鱼既肉都好滑，感觉依道蒸鱼系家常便饭，妈咪用心煮嘅好味道。总结：性价比非常高，尤其系小笼包同埋红烧牛肉三宝面，下次再嚟一定会再嗌。