靚煲皇 (已結業)

天气真系好热，难得落左场大雨降下温，小编决定衬呢个机会去打边炉。叫得靓煲皇点会少得煲，先食完个煲再加汤打边炉就最岩花心ge小编，可以一次食到两种食法。小编叫左火焰霸王猪手煲，猪手淋滑弹牙，开火之前更系用玫瑰酒淋面，啖啖玫瑰香，食到唔想停！而且真系火焰霸王，越食越辣，绝对推荐比无辣不欢ge朋友。价钱方面呢个煲系所有煲入面最平，当然有兴趣ge朋友可以比多少少钱试下呢间ge招牌靓煲皇（$268），仲有细版靓煲皇（$168）比唔同预算ge朋友选择。打边炉配料方面，小编点左白萝卜、芝士肠、娃娃菜、响铃、手打虾滑、羊片同雪花肥牛，当中小编特别推荐响铃同雪花肥牛。响铃新鲜即炸，系小编食过最脆ge响铃，放好耐先会浸冧，岩晒小编呢d钟意食脆卜卜响铃ge人，轻轻浸一浸就上碟，感受新鲜即炸ge脆口感觉。雪花肥牛系小编意想不到ge惊喜，小编作为牛魔王当然一定要点牛，但奈何小编荷包粮尽弹绝，唔忍心拣极上肥牛同手切肥牛，点知雪花肥牛都系手切级数，食落更系牛味十足，真系平靓正！小编打边炉就食饱饱，但如果有想点小菜ge朋友，或者想同朋友系到把酒谈欢，靓煲皇都会系一个好好ge选择。