彩星酒家 (已結業)

见佢新开又大大只字写住猪骨煲皇，于是黎试下啦。一去到小猫三两只，于是好快比左张卡位。拿起张纸睇见汤底都唔少，除左澳门猪骨煲外，仲有乜鬼水佬猪骨煲，问个侍应同经理，居然两个都讲唔出，只系带你游花园，最后稳阵计叫左个澳门猪骨煲算啦。同埋叫左手切肥牛，牛叶，鹅肠，脆鲩腩，乌冬。个煲好快就到，打开盖好似好多野咁，主要有几旧大猪骨，几旧猪软骨，萝卜，芹，粟米，无离头仲有D鱼肉。猪骨太大旧，位多，冇肉又冇骨髓。萝卜有楂唔靓，粟米唔系超甜粟，冇味，鱼肉沟水太多，散晒。全晚火锅料，手切肥牛明显唔新鲜，切好等ORDER个只，鹅肠又系急冻个只，真系怀念力奇个D。牛叶脆鲩腩乏善足陈。最离谱系有个男侍应，我见张纸上面有几样料用红色字写，问佢点解，佢居然话剩黑色斋嘛，有D咪红色写啰，当我白痴架咩，咁都UP得出，埋单要成三旧几唔抵食，以后唔会再黎。