必勝客 (已結業)

谂返起第一次接触PIZZA，就梗系PIZZA HUT啦，仲记得细个果时，要测试默书成绩好，爸爸妈妈先至会带我黎呢到一次，以前呢到系有自助沙律巴架，不过自从餐厅装修之后就无再提供啦，所以，呢间PIZZA HUT 真系带俾我唔少童年回忆。今日系星期日，我地一家三口本身唔系太大食，又唔系好肚饿，所以决定叫个2人餐SHARE就算，刚巧我地又有张COUPON 送份鸡翼，所以决定用埋佢。热带风情松厚批普通批有好多料，有鸡肉啦，蘑菇同菠萝，PIZZA够厚身，批底同批边都够脆，PIZZA 整体黎讲唔太HEAVY，味道又香，几好。香辣鸡翼外层烤得很香很脆,鸡翼不但唔太油，而且仲有点干身，加埋少少辣味又真系几开胃。呢个小龙虾白汁焗意粉，唔睇MENU都唔知佢果D汁叫做白汁，因为个汁一D都唔白，仲憬橙色添。除此之外我真系食唔到有白汁味，但好彩有龙虾味。除左以上既食物之外个2人餐仲有2杯饮品同埋2个意大利杂菜汤加蒜茸包，我地呢个2人餐，用COUPON 免费加左份鸡翼同埋减30蚊，再加埋会员优惠，3个人埋单都系170蚊，真系超值。