Pizza-Box (舊墟直街)

营业中

休息中

Item: Pizza-Box (舊墟直街)
Rating: 3
Author: 奥志雷

19 食记

味道

环境

服务

卫生

抵食

178

大埔

$51-100

意大利菜薄饼小食店

奥志雷

等级4

2.1K

我最讨厌食港式 pizza，尤其系 pizza nut。但朋友们苦苦哀求又大力推介，好啦好啦，第一次食 pizza box。最憎食厚批，menu 上面颢示有奇脆薄批、普通批、厚批及芝心批㖞，梗系薄批啦。各队友食饱饱的话，就要远征粉岭镖赛喇 ﹗

辣肉肠牛肉奇脆批，香辣牛肉完全唔觉辣㖞，辣牛肉走辣？味道同口感似咸牛肉芝士 pizza，无辣椒粉或辣椒仔供应，是但照食啦，都算满意既，话晒都啖啖肉又多芝士麻。我无辣不欢，味道唔错，新鲜出炉刚焗起特别好食，啖啖牛肉辣肉肠好满足，芝士味浓、饼底够脆，唔会腍唔会湿，满意。

千岛海鲜奇脆批，pizza box 好食过 pizza hut 好多㖞，话晒足料又偏向意大利 pizza。只系食到蟹柳、洋葱同青椒乍㖞，无咩海鲜可言。千岛酱太小喇，干争争又食唔到强烈甜酸味道，薄批够香脆，唔会腍劈劈，唔错。小食香辣鸡中翼同蜜糖鸡中翼两款味道满意，焗得不太干，依然嫩滑而且仍有不少肉汁，唔错。千岛蘑菇鸡柳奇脆批，酱真系太少喇，食唔到味道，再加上蘑菇鸡柳都好淡，淡淡淡，麻麻地。

多宝奇脆批，杂锦批有青椒、洋葱、蘑菇、红肠、意大利肠，似乎都唔系好多乍㖞。整体大路无投诉，，安全稳阵，芝士香而饼底脆。多款配料互补不足，撞得奇妙而美味，但我唔食青椒及洋葱呢。刚发现仲有个升级版再劲少少架 ﹗超级多宝，有青椒、洋葱、蘑菇、红肠、意大利肠、牛肉、火腿、蘑菇、菠萝，我要试依个 ﹗

蜜糖烧墨鱼丸，烧得微燋香口既外皮，配上蜜糖依旧大受欢迎，好味道 ﹗真系几好食架㖞，烤到金黄微微燋香，真材实料又够弹，无话味道死实或粉口。墨鱼味浓又超弹牙，热辣辣烧得香口，食得过。味道保持高水准，带著烧烤香味个个都非常满意，好味道。烤德国肠一双，麻麻地，有点腍而肉味唔多特出，热狗肠比佢更好味。

烧烤酱鸡中翼，不过不失，我厌个酱太甜又太厚，鸡中翼内外都合格既。辣味烧鸡中翼，只属微辣，对我黎讲太甜，而且个酱非常厚又杰，完完全全包住只鸡中翼，鸡中翼整只淹没其中。食落成口酱，over 左。鸡中翼都算皮光肉滑既，但食两只已经好滞。有朋友仔居然觉得好辣，唔系挂 ﹗焗白汁什菜，我地几三个男既完全无掂过佢啰，只有小云一个食晒去喇。

烧烤酱烧猪仔排骨，肉质够结实，弹牙有咬口，最怕炆都又干又散既猪肉骨。猪肉好有弹性，充满肉汁混上薄薄烧烤酱份外甜美，分得一件系绝对唔系喉啰。非常高质，比 pizza hut 或 After 5 更好。猪肉嫩滑富弹性，不干不散，焗得香喷喷，猪味香浓配上微辣带甜既酱汁，更加美味，连骨都要损得干干净净呢。

香焗鸡上髀，个名咁奇怪既，唔系叫炸鸡啰。可以跟 KFC 一决高下，各有特色，同样美味。炸鸡外皮劲脆，撕开时带著鸡油，令到口感唔太干，而且食落更加香添 ﹗擘尽个血盘大口咬落去，肉汁顿时激射，热辣辣湿润又嫩口，正到企唔稳 ﹗外皮炸得非常甘香松化，最外层脆脆的盖住下面滑溜咽韧鸡皮，非常香口 ﹗加上鸡油散发出既鸡香味，点忍得口呀 ﹗最紧要刚刚焗起，超级 juicy 嫩滑，狠狠地大大啖扯出鸡髀肉，肉汁喷射，一地都系喇，好浪费啊 ﹗好好味呀 ﹗外脆内嫩，肉汁泛滥成灾，鲜甜无比，滴到成枱都系喇 ﹗

鸡肉滑溜都不得了，好似蛋白咁滑呀 ﹗白雪雪鸡肉充满弹性，加上多种香料既味道，一咬想再咬，一只接一只地不停塞入口呢。香焗鸡上髀，即叫即炸，外脆内嫩，撕开脆口鸡皮即见到白雪雪滑溜鸡肉，热辣辣出晒烟仲 Juicy 到晕，香料加香脆加嫩滑加多汁湿润系舌头上打滚，那有唔好食既可能。炸鸡最紧要新鲜出炉，咁就无得输喇 ﹗近日 Jerry 成日想食 Pizza-box，大家就同您一齐食啦 ﹗平时我一个人要 KFC 都要食五六件鸡上髀先够喉架啰，依度够唔够分架？哈哈。

我一向对 pizza 麻麻地，有炸鸡食就够晒开心架喇。蜜糖烧墨鱼丸、辣味烧鸡中翼、辣肉肠牛肉奇脆批、烧烤酱烧猪仔排骨、香焗鸡上髀，除左个鸡中翼太甜外，样样都好味，质数绝对在 pizza hut 之上。