影片
更多
2021-07-24
1007 浏览
本身嚟食之前班fd就send左呢间餐厅啲图嚟睇，见到都已经觉得伏，所以抱住冇期望就冇失望嘅心态入嚟食，点知真系难食到冇下次。 首先因为10个人嚟食，所以叫左全只蚝仔安东鸡，份量系多嘅，但质素系仲衰过中式鸡煲。首先一上到嚟个卖相已经吸引唔到人食，每旧鸡都有大量碎骨，啲肉质好「鞋」，食落又得辣味。配料佢有薯粉，薯仔同蚝，呢啲反而仲好食过佢个鸡。然后个黄金芫茜炸鸡嚟到，一碟有7旧左右（唔记得影相），都算大旧，但放入口就出事，炸鸡嘅鸡皮系有好大阵香料味，食得出系后期先加，但一咬开鸡肉系冇味，又冇肉汁，完全系输哂比其他韩式炸鸡。之后加左个个海鲜煎饼，呢个算系全部野食之中算系最好食，但份量都算少，得6旧好薄嘅饼。最大问题系食落唔知点解同日式大阪烧只味一样，再加上系食唔出海鲜味同海鲜嘅料，所以其实呢碟都系失败。班fd见冇呢餐冇咩主食所以加左个炒妈面，但点知又系伏嘅。呢个面88蚊，但佢嘅配料又少又唔好食，然后啲面嘅质素系同去food court果啲日本餐厅食嘅日式炒拉面一样味，但讲紧人地30蚊就得，而呢度要80蚊。成碗面完全唔知食紧啲咩，到最尾难食到食唔到落去。差唔多食完都发现冇人够饱，所以就加左个
首先因为10个人嚟食，所以叫左全只蚝仔安东鸡，份量系多嘅，但质素系仲衰过中式鸡煲。首先一上到嚟个卖相已经吸引唔到人食，每旧鸡都有大量碎骨，啲肉质好「鞋」，食落又得辣味。配料佢有薯粉，薯仔同蚝，呢啲反而仲好食过佢个鸡。
蚝仔安东鸡
$288
52 浏览
0 赞好
0 留言
然后个黄金芫茜炸鸡嚟到，一碟有7旧左右（唔记得影相），都算大旧，但放入口就出事，炸鸡嘅鸡皮系有好大阵香料味，食得出系后期先加，但一咬开鸡肉系冇味，又冇肉汁，完全系输哂比其他韩式炸鸡。
之后加左个个海鲜煎饼，呢个算系全部野食之中算系最好食，但份量都算少，得6旧好薄嘅饼。最大问题系食落唔知点解同日式大阪烧只味一样，再加上系食唔出海鲜味同海鲜嘅料，所以其实呢碟都系失败。
班fd见冇呢餐冇咩主食所以加左个炒妈面，但点知又系伏嘅。呢个面88蚊，但佢嘅配料又少又唔好食，然后啲面嘅质素系同去food court果啲日本餐厅食嘅日式炒拉面一样味，但讲紧人地30蚊就得，而呢度要80蚊。成碗面完全唔知食紧啲咩，到最尾难食到食唔到落去。
炒妈面
$88
26 浏览
0 赞好
0 留言
差唔多食完都发现冇人够饱，所以就加左个豚王生菜包。简单嚟讲就系一块猪腩肉比啲配料你，然后比啲生菜你等你包住嚟食。首先唔知点解系比铰剪我地剪开佢，明明用刀系会易用好多，可能系韩国文化而我系唔识所以冇深究。块肉都算大旧，但食落系会觉得脂肪，冇咩猪肉嘅味，变左成旧肉会比佢啲油脂味抢哂，唔太食到本身块猪嘅味。
豚王生菜包
$88
31 浏览
0 赞好
0 留言
之后仲有叫到其他野食，但我自己冇咩点试同影相就唔系度评论。埋单10个人1166蚊，但间餐厅竟然系净收现金，变左要左揾右揾先揾到1000以上嘅现金，呢个有啲不知所谓嘅我自己觉得。本身对韩国野都冇咩好感，食完呢餐觉得唔会再食呢类型嘅韩国野食，呢间餐厅真系食完都唔知食左啲咩，同埋成班fd系食完都唔太够饱，份量都比较少。
张贴
