佳佳甜品

营业中

休息中

佳佳甜品绝对系我一定会推介嘅本土港式糖水代表。价钱平就不在话下，用料丰富，唇齿间透出淡淡嘅人情味！星期六晚大概八点几嚟到，门口约有数十人排紧队，比着其他糖水舖真系可能要等返大半个钟先入到去食，但呢到流水作业，大家都有默契食完就走，所以不消15分钟我哋就入到去喇。呢排转季宁舍干燥，所以我哋就叫咗个木瓜炖雪耳糖水，同埋我最钟意食嘅腐竹薏米白果，两样都系滋润野，喺dry爆嘅日子补补佢。两碗都好足料，木瓜雪耳唔会死甜，腐竹薏米就一贯咁香浓！另外，早排去台北旅行时，发现原来佢哋已经密锣紧鼓准备喺台北开舖。希望佢哋保持到水准之余，亦都勿忘初衷唔会大幅加价啦。