生記滷味

营业中

休息中

身为潮州人，近呢大半年先开始钟意食潮州嘢。上、西环一带潮州菜馆林立，有不少都系颇有水准嘅，可能系呢区系旧区，比较多潮州人聚居嘅缘故。是晚我同阿K由佢屋企行到去正街附近，专诚试吓呢度嘅狮头鹅。呢间舖头好细，主要系卖外卖，入到去，客人络绎不绝，墙壁仲贴咗曾特首到此一游嘅相，证明呢度啲嘢响该区有啲口碑。狮头鹅同普通鹅最大嘅分别就系狮头鹅比普通鹅大只好多，而且个头顶好似生咗粒好大嘅瘤咁。我问老板食鹅片用边个位最好食，佢就话什么上部啖啖肉，下部有口感。由于我地听唔明佢嘅口音，所以由佢话事，叫咗五十蚊鹅片同鹅肾。肉比较鞋口，虽然不时，但都可算肥，而且一食就食出鹅味，狮头鹅果然有啲唔同。鹅肾就相当之爽，配上醋料，佐酒一流，如果系醉肾嘅话就更加perfect.埋单六十蚊，几经济实惠。原来呢度碟头饭都只系廿蚊，仲要连例汤，真系抵。