牛之鍋

营业中

休息中

早排同个好耐无见的朋友出嚟去铜锣湾的牛之锅打边炉，但系我觉得有少少失望了。第一，我们一早买左券加埋一200蚊，话可以食埋日式放题，一人一锅打算放便一点，但拣的椰子汤清到好似清水咁，系得个几片椰子，见到个一刻有点错愕，如果汤底系似椰青水都算，但系唔系啰，系无乜味，得咸味，咁都可以叫椰子汤底？定系我地食券因为有折所以质素差？第二，张枱好细张，头一两轮都上菜系咁上，我都知系怕啲客肚饿，但搞到张枱无位放嘢，好逼，同埋好唔明点解有些人都是二人，但又有四人枱，又系因为买券的原因？第三，经常漏单，每一轮都总有两三样嘢漏，以为佢系无货，太天真啦，下一轮入纸再叫又有㖞，咁即系人为的原因。第四，都唔知系要赞好刀功定点，肥牛片少得来薄到可以透光，本人觉得厚多少少会好些少。第五，试过有几次出到去，都有好几样任食的食物系无晒，甚至出几次都系一个无食物的兜，不过今次相信唔关用折扣优惠券事了。但都要讲返有部分甜品系ok，比较好的系芒果绵绵冰。至于抵唔抵食，值唔值得食就大家自己衡量了。