沾仔記麵食

营业中

休息中

沾仔记开业多年，主打云吞面，有多间分店，今日黎左佐敦分店食😆呢到嘅云吞同鲜鲮鱼球超大粒，成粒乒乓波咁大，云吞皮薄馅靓，包大好多爽口弹牙嘅虾肉同猪肉，鲜味十足☺️自家制鲮鱼球有好香嘅鲮鱼肉味，入口弹牙，牛肉都好软腍，所以想试晒呢三宝就要叫碗三并面，价钱仲要好经济，$47三并😍另外，个汤底好鲜甜，用左猪骨、大地鱼等熬煮而成。想转虾籽捞面都系加12蚊，加左虾籽食落几有口感😝甜酸炸云吞都唔错，一样系大大粒，但炸到个皮超脆，钟意食脆口嘅可以叫黎试下，一样咁足料！油菜都几翠绿，佢地个蚝油唔会太咸。