潮福蒸氣石鍋 (已結業)

前牌阿妹喺潮福酒家book咗一围12人席同屋企人食，开始我以为系食潮州菜啦，去到之后发现原来系食传统嘅广东菜嘅，虽然我地得七个人，冇办法啦因为佢哋无半席，虽然潮福冇豪华嘅装修，但系都光猛干净，齐人之后就好快上菜，头盘是乳猪拼盘，皮好趣，啲肉就厚咗少少，但系肥膏唔多而且啲肉好嫩，好好食，跟住就系龙虾伊面啦味道比较清淡嘅，啲龙虾肉就好嫩同伊面好入味又好爽，一啲都唔谂，之后就是龙趸两味，一个系蒸龙趸，个味道就比较清淡嘅但系肉好滑，火候刚刚好，反而个炒龙趸片又咸又老，麻麻地；个金汤海皇翅吾系成盅上，分好左12碗上枱咁都好都方便，味道不过不失拉，食到呢度都已经开始饱啦之后上嘅第一鸡就老左少少所以都冇乜点食，但系佢𠮶个腊味饭就好好味，最后上埋寿包同生果。我哋七个人食12人席，所以其实都剩低好多食物。其实千零蚊包埋加一食到一围12人嘅菜其实都唔错。唯一最唔好嘅就系隔离枱有一班大叔成晚喺度饮酒吹水非常大声，嘈到我同屋企人都冇办法好好倾计。