泰Cool

营业中

休息中

泰cool呢间店有室外同室内，室外有蚁侠同罗宾Figure。室内好大，雀笼设计，几特别。原来再有间埋里面，内里系一间雀会。本身无乜人，我食食下突然见人响内里走出来，全部四人一枱，十几枱，有𩠌有汤，食完又入去打过。同我响出面食泰国嘢，好似两个空间的事。😲今次五点几去食下午茶，都算抵食。泰式鸡肉湿炒河河粉唔淋，鸡肉大旧但肉质较鞋，味道略淡，整体一般。泰式炒金边粉金边粉唔干身，有镬气，虾肉弹牙，酸酸地少辣，不错！泰式浓汤船面汤底香浓，面质滑，猪扒够厚，推介。黄咖喱鸡肉配白饭咖喱唔太辣，几香，鸡肉都系大旧但肉质较鞋，整体都ok.泰式拼盘正正常常，味道不俗，炸物都香脆可口。除拼盘另叫，所以食物配一杯饮品，总括抵食。