炯記餐室 (美麗閣)

营业中

休息中

同朋友系北角附近买完嘢，谂住行翻去炮台山个边食嘢。途中经过呢间炯记餐室，见佢有个二人餐，就谂都冇谂入咗去。坐低左之后发现佢个二人餐入面都仲有几个选择，我哋就拣咗盐焗手撕鸡、清汤腩金钱肚同埋麻辣鸡肾。嘢饮方面，叫咗龙凤柠乐同埋冻鸳鸯。餐厅比嘅柠檬份量都几多，配埋可乐饮好爽。麻辣鸡肾同蒜香云耳两个小食都做得几出色。麻辣鸡肾唔会太辣，辣中带少少麻，十分开胃。蒜香云耳分量亦都很多，蒜香味十足。盐焗手撕鸡十分入味，而且份量多，配埋面头啲芝麻嚟食，很好吃。我个人好钟意佢鸡皮皮下脂肪比较少，食落都几爽。清汤腩金钱肚好香牛腩汁味，金钱肚食落十分爽口，而且份量都多。牛腩整得好冧好入味，唔会太多肥膏，而且肉汁丰富，配饭食一流。最后郊外油菜冧上了汁，唔会太咸，却令菜更加惹味。整体来讲，今餐我同朋友都十分满意。