泰爸爸

营业中

休息中

餐厅有室内外座位，仲有灯饰，夜晚食饭气氛唔错。晚市8点左右，餐厅已经坐满人。叫左泰式拼盘($138)，鲜菠萝海鲜炒饭($98)，泰式海南鸡半只($98)，椰青($33)。拼盘既小食各有2件，岩哂心大心细既朋友，可以每款试d。酱汁一共有3款，沙嗲可以配串烧，甜辣酱及另一款带甜既酱配炸物就最适合不过。因为冇哂春卷，所以拼左香茅鸡翼。鸡翼炸完金黄色，香茅味慢慢渗出，外皮猜脆，多一款肉食，jeng。串烧鸡肉大大件，烧得够香，而且肉嫩仲保留住肉汁。配埋带微粒既花生沙嗲酱，一流。炸虾饼弹牙结实，炸完都冇腻既感觉，香口。泰式炸鱼饼好重香茅味，口感比虾饼软软地，炒饭用菠萝装住，满满既堆起，非常多。面头铺有肉松、脆口腰果，而且炒饭配料好丰富，有粒粒提子干、鲜菠萝、红萝卜粒等。啖啖都食到甜甜既菠萝。海鲜份量都唔少，有原只已剥壳既虾、鱿鱼、贝壳类海鲜。半只海南鸡份量足，鸡皮爽爽地，鸡肉肥美嫩滑。配搭既酱汁辣辣地，醮完更开胃。椰青清甜，消暑一流。而且d椰青肉好易就刮到出黎，椰青甜而爽。整体，侍应服务好，一坐底就俾餐具及水。而且上菜速度亦快。可以慢慢叹下泰国菜。