娜多歐陸餐廳 (已結業)

因为同老公未食午餐,所以今餐叫咗四个下午茶餐,加两个小食来食.整体来讲,食物味道唔算特别好,但价值真系大众化,个人感觉抵食过大家乐同大快活.讲回味道方面:鸡肉烧饼,鸡肉嚡口,烧饼太韧,酱汁过咸,唔系太好味.粟米汁芝士焗班球饭,汁底唔咸,班球炸得脆口但有雪味.大岛薄饼,配料唔算多,但味道偏咸,饼底唔够松脆,整体一般.野菌芝士汁焗菠菜云吞,卖相唔好,成pat嘢,云吞质感好粉好烂,味道嘛嘛.肉酱焗薯皮,肉酱过咸,薯皮腍身唔脆口,唔系太好味.卡邦尼亚炒意粉,虽然配料唔多,得烟肉同杂菌,但白汁够香滑,口感丰富,味道几好.柠蜜同华田甜咗少少,咖啡太稀,唔滑唔香浓,餐饮味道一般.