孖寶去骨海南雞 (又新街)

营业中

休息中

自从之前同老婆去过呢间餐厅，当日食左个海南鸡餐，味道都唔错。于是今日又再次来帮衬，今日叫左另外一个餐，就是口水鸡餐(少辣)，配油饭，附送碗南瓜鸡汤，另外再加$4叫多杯冻咖啡，合共盛惠$56。口水鸡分量十足，口感好滑好嫩口，配汁少少辣加少少酸，味道配搭得好。另外有少量芽菜做底，芽菜虽然无味，但是浸上少少辣汁就味道完全唔同晒，湿湿地又辣辣地，味道好夹。油饭味香，唔会太油，一啖油饭配一啖鸡有点不想停的感觉，越食越想食。而个汤饮到鸡味仲有好甜嘅南瓜味，用料十足，无味精，好好饮。而杯冻咖啡味道也不错，大大杯又好够咖啡味。但是因为坐位有点窄，不可以坐得太耐慢慢叹。