吉壽日本料理 (已結業)

香港有唔少放题餐厅，都食过唔少，趁星期二旺角冇咁多人，时间早，一于去试下吉寿。5:00pm-8:00pm系特价时段，星期一至三既话，做紧每位$208，可以任食两小时，劲抵。食物不外乎刺身，寿司，煮物，串烧，炸物等等。呢度胜在上菜快，基本上可以唔停口，不断落单不断食。最值得推介既系吉列炸蚝，外面超级松脆，脆卜卜，里面粒蚝爆汁，超级肥美，正。刺身方面，三文鱼系必食，比起一般既更厚身，入口即化。带子，北寄贝，螺片，鱿鱼，八爪鱼都好鲜甜。店长推介既油甘鱼， 剑鱼腩，池鱼都唔错，完全冇雪藏味。钟意食虾既，仲可以有多款选择，泰式生虾，甜虾，赤海虾，都好爽口。寿司，卷物，手卷方面，火炙三文鱼腩寿司，蒲烧馒鱼寿司，蒜香帆立贝寿司，各有滋味。想食多d蒲烧馒鱼既话，有得净点。花之恋，三文鱼薄片配蛋黄酱蟹籽，口感一流。吉列大虾卷既千岛酱个人觉得浓左d。鳗鱼忌廉芝士卷，芝士味好出。海胆手卷好滑溜，细细卷，一手就拎得到。而煮物中既黄金焗带子，作为人气食品果然名不虚传，带子新鲜清甜，同香浓柔软既芝士好夹。日式雪花牛肉锅，甜甜既汤底浸透入牛肉片中，非常暖胃。铁板牛柳粒熟度啱啱好，叫左一客谂住得几粒，点知有好多，可以