意廊 (已結業)

一件份量十足嘅斧頭扒，超級抵食，寫就寫二人份量，但係足夠四人食，好彩連自己加多幾個老友去食，叫多個頭盆Parma ham火箭菜沙律叫多個意式燒豬肋骨同蒜香海鮮蝴蝶粉。6條友個個食到大住個肚走。下一次再去揾埋啲老友再去打斧頭先。言歸正傳喇，講翻啲食物先，由其是斧頭扒，m6和牛份量十足侍應加埋大廚出馬點火油香香噴噴，聽師傅講淋威士忌落去點香等件斧頭扒內面燒唔到油嘅油脂可以燒香啲更加有肉香，Parma ham份量十足六條友都夠哂食，意式豬肋骨唔會好似其他餐廳咁熟去溶溶爛爛仲有bbq汁味道同件豬肋骨非常文夾，最後講埋個蒜香海鮮蝴蝶粉，蝦肉尤魚圈加埋藍青口每樣都有3件大大碟，如果依碟蝴蝶粉一個人食都食唔哂。