大本瀛日式放題

营业中

休息中

嚟到星期日brunch time梗系要食豪啲，知道个朋友最钟意食日本嘢，就同佢嚟食个抵食lunch放题，由12点食到3点都系$188，唔洗排队又可以坐低慢慢食，静静地倾吓偈。有成15款刺身任食，几乎叫哂咁滞，推介珍宝带子同珍宝赤虾，两样都好鲜甜，三文鱼厚切够大片，剑鱼腩油脂十足。友人点了冬荫公汤，以为只是一人前嘅小碗份量，点知原来系一！大！锅！除咗个汤够酸够惹味，仲好足料，菜、虾、豆腐、菇类食极都仲有。寿喜烧牛肉锅亦如是，都系一大锅，有大量牛肉又有菜，味道唔错再嚟寿司同刺身迷你饭，刺身饭好足料，伴以青瓜、玉子、蟹子，见朋友食得好滋味一啖都冇剩。焗蚝、焗帆立贝、吉列炸蚝、天妇罗都出色，样样都即叫即做，唔会话滩到冻咗，上碟放入口仲热辣辣咁至叫正。冷盘小食最好系可以细细份叫，即使得我地两个人食都可以试多几个款式。中华沙律、川椒皮蛋、白云凤爪、胡麻豆腐，样样都系我至爱，一次过可以食哂真系好满足！最有惊喜嘅竟然系意想不到嘅榴梿炸弹！好似迷你煎堆嘅外皮，脆得嚟又烟韧，内里系沸腾流心嘅榴梿馅，认真冇得顶！