大滿喜日本料理 (已結業)

呢间放题都开左一段日子，之前应承左妈咪带佢黎食成日都就唔到时间，就趁复活节假黎食个lunch!我地撘正12点就到~入到去岩岩坐低妈咪就即刻冲左去甜品同沙律柜果边，番到黎好开心咁拎左d前菜番黎，有中华沙律、有木耳有牛展，竟然仲有佢既至爱酸辣凤爪~妈咪话酸辣凤爪仲好味过之前食过既泰国餐厅!系妈咪开心食紧既时候我就每张纸剔d~好快刺身就黎先~呢个刺身船个卖相好靓~妈咪开心到系咁叫我帮佢影相~d刺身唔止靓仲好新鲜，之前食过其他放题d虾唔新鲜有腥臭味，但可幸呢度食到既系好鲜甜!其他鱼既刺身都好厚肉好鲜味，就咁呢个刺身船系出面餐厅食都唔止百几蚊!食完刺身妈咪又走左出去揾野食，今次拎番黎既系冬菇花胶汤。呢个被佢形容为今日之最~原因系够哂热而且好足料，非常鲜甜，热既程度系烫口既热~非常出色!寿司方面叫左几款，细细件食多两件都唔会好饱，炸物都够热，其中芝麻鸡翼最出色最入味!烧物既羊架都唔算好浓腌料味，不过都冇苏味，唔错!另外天妇罗蟹棒都好好食~而我本人觉得呢餐最出色既系个蟹粥~绵得黎食到蟹既鲜味而且咸咸地唔会淡贸贸~出面甜品柜有好几款细细粒细细杯既甜品~仲有龙眼同提子~雪柜仲有雪糕糯米糍同好多款雪糕雪条