霸嗎拉麵 (已結業)

今日见客经过铜锣湾这间霸吗拉面， 比其新推出嘅食物海报吸引住， 极上原只龙虾味玉拉面， 是期间限定，衹是$148/碗， 由原只加大龙虾配上樱花虾猪骨龙虾汤。咁吸引，当然是流晒口水，非入去食一碗不可。整碗汤拉面有只大龙虾喺面，真是非常吸引，未食已嗅得鲜浓汤味。 原只龙虾开了两边，方便进食，味道确实鲜甜， 加上龙虾头嘅膏， 淡淡味美，肉质更弹牙爽口。 汤底浓郁，又鲜甜又惹味，有著黏口嘅感觉，证明有劲丰富嘅骨胶原素，不禁多喝几口。配上半流心的蛋， 蛋香味美。 好满足的一碗拉面。羽根烧饺子， 卖相精美 ，煎得薄如丝的饺子皮，口感非常香脆。 新出的水蜜桃果汁清酒， 酒精成分比较少， 清甜嘅水蜜桃，更易入喉，不错。