熊貓小雲吞 (慈雲山中心)

营业中

休息中

放假去慈云山探下旧同事，佢话天气热唔好煮饭，同我去慈云山中心食嘢，佢知我钟意食云吞，就去咗熊猫小云吞食，餐厅主打细细粒手工小云吞、凉皮同面食等等，有不同的馅料、配菜及汤底，环境都干净，灯光明亮。以自助形式运作，先去收锒处落单比钱，之后就去揾位，再去拎嘢食。一口鲜虾豚肉云吞20只，云吞细细粒，刚好一口一粒，食落个皮好薄好滑，馅料鲜肉中间有虾肉，味道鲜美，配虾米紫菜汤，加埋d 芫茜葱真系好香好鲜甜。卜卜脆炸鲜虾云吞，小云吞即叫即炸，热辣辣好香脆，加埋酸甜酱味道更佳。一口豚肉云吞上海面，拣咗粟米豚肉云吞，口口云吞都食到豚肉鲜粟米甜，汤底拣咗清鸡汤，配滑溜的上海面，十分美味！外婆红烧肉油葱酥热捞粗面，红烧肉香甜松软，入口即化，肥而不腻。油葱酥配上滑滑的粗面和花生等，味道香浓又有口感。芝麻盐焗手撕鸡，鸡肉入味又嫩滑，捞埋青瓜丝好爽口！有店内有多款自家制酱料出售,买咗其中一款辣椒油，食面时食过，味道又香又辣，好惹味！