鳴越越式料理

营业中

休息中

难得阿妹今日唔洗凑小朋友,所以收工可以齐齐去中环食番餐靓饭,佢又钟意食越南嘢,结果就俾我揾到呢间喺中环区嚟讲价钱算十分之平嘅<鸣越越式料理>试一试。上到嚟见到有梳化櫈坐,正呀我最钟意,舒服又濶落。睇完餐牌觉得啲套餐真系好抵嗌,所以就一人叫咗一份,再加个小食一齐share喇。越式生牛肉河粉($60蚊)阿妹话呢碗生牛肉河粉真心唔错,价钱又抵,又足料,汤底出奇地好味,啱哂佢口味,加埋鱼露就仲正咁话。另外一块块生牛肉就算俾汤浸过咗之后肉质都冇变鞋香茅猪扒捞檬($66蚊)呢碗捞檬大份到连我咁大食都食唔哂,猪扒炸完够松软,仲有好多青瓜丝伴菜,充满越式风味。越式椒盐软壳蟹($72蚊),呢款小食阿妹拣得唔错,软壳蟹即叫即炸宁舍香口,份量又足,就算有啲热气都令人难以抗拒每份一人套餐都会包一杯港式热饮,我就饮热柠茶阿妹就叫咗杯热菊蜜,大家齐齐有个饱饱嘅晚上。