熊貓小雲吞 (慈雲山中心)

营业中

休息中

误打误撞之下竟然发掘了呢间穷人恩物，价钱相当便宜抵食，但味道很高质既四川小云吞，二个人食到饱饱。佢菜式选择都多，先点了芝麻盐焗鸡餐($73)，呢个个餐真系十分丰富，除咗主角盐焗鸡川式凉面走辣，仲有一份小食凉拌松花皮蛋同饮品，走辣更能品尝到本身盐焗鸡嘅精髓，鸡分量都算多，而且啖啖肉，芝麻又香又入味。之后要做主打嘅鲜虾小云吞，餐厅讲明猪肉肥瘦比例系3:7所以食落唔会啖啖肥腻感，虾肉弹牙，再配紫菜汤，够哂清甜。之后再要咗个手工凉皮中辣，呢款啱晒食辣人士，配料有好多花生脆豆，惹味浓郁。我哋仲叫咗个炸云吞小食，炸得十分香脆可口，推介。餐厅仲有唔少正宗四川自制酱料可供购买，我地仲特登买左麻辣酱返去自制伴面！