友和士多

营业中

休息中

每次黎鸭脷洲，必定要帮衬友和士多，事关呢度嘅怀旧糕点新鲜又好食。坐地铁南港岛线出利东站，A出口斜对面就到，非常方便。今日带左阿妈黎，佢话一眼睇中茶果，3款馅系豆沙花生眉豆，要晒3款啦，$10有3个嘛。我就每次都要食豆沙西米糕，仲有涨卜卜嘅煎堆。两只为食猫出咗门口嗱嗱声啪晒茶果同煎堆，真系食到lam lam脷！带好口罩返入友和士多，阿妈话要买光酥饼同埋鱼皮花生，梗系好，我都有份食嘛。我仲话最好买埋马仔同南乳椒盐饼干，阿妈话我醒目。下次要带老豆黎潮圣。