再興燒臘飯店

营业中

休息中

环境2分：正常烧腊舖格局，坐木圆櫈，要搭枱，迫迫地。 卫生2分：筷子酱油乜都自助，卫生都系正常烧腊舖。 服务3分：地方唔算大嘅烧腊店，睇到唔够十张中size 圆枱，最多应该容纳唔到六十个人，但系伙记人数包括厨房，楼面，收银加埋最少有12个人，伙记客人比例真系非常高。一坐低伙记已经极力推介店内最贵嘅烧味饭，当然冇上当，跟住嗌咗个出名嘅叉烧饭加例汤算啦！唔使20秒所有嘢都嚟齐，超级快手！ 味道4分：叉烧饭份量唔算多，一个女仔食完顶多啱啱好够饱。叉烧唔太肥，又够松，都几够汁，比一般好，但又未算最好，不过啲酱油任用先最正。例汤多菜，算系咁。 抵食5分：32蚊有碟叉烧饭食，另加6蚊仲有埋例汤饮，40蚊有找，质素又唔差，真系好抵。