九份飽 (屯門時代廣場南翼)

营业中

休息中

九份饱喺屯门开分店，新张推广系$10芋圆，趁住有优惠去试一试~怀旧鲁肉饭（小）🍚鲁肉肥瘦适中，脂肪入口即融，几乎枱枱都有点依个菜式。海苔肉松起司蛋饼🥚肉松嘅份量非常慷慨，芝士就相对少啲，整体嚟讲系好食嘅😋酥炸花枝丸🥢花枝丸嘅炸粉够薄，新鲜炸起，正常发挥👌卤味拼盘🥢拼盘有豆腐、鸡蛋、鸡翼、牛肚、猪耳，牛肚猪耳都切得比较薄片，卤汁味道甜甜地～九份芋圆🥣芋圆里面真系食到有芋头粒粒，除此之外仲有豆花、珍珠、仙草、红豆，只卖$10基本上无野可以挑剔👍可能因为新开张又有优惠，夜晚7点几嚟到已经有十几二十人排紧队，而且舖头唔算大，要排超过半个钟不过店员都已经好迅速咁安排，嚟食嘅话要预一预时间喇~