古早牛肉麵 (已結業)

深水埗古早牛肉面，餐厅位置近铁方便，好彩同朋友早咗嚟，所以唔使等位可以直入，坐低冇耐客人越来越多。二人套餐可以拣两款煮食、两款小食+2杯嘢饮，都只系$200有找，几抵食。食台湾嘢叫牛肉面系基本，卖相又几靓仔，味道都唔错。朋友叫咗盐酥大鸡扒肉燥干捞面，鸡扒分量十足，不过朋友话捞面口味偏淡。小食方面我哋拣咗甘梅地瓜条，香口好味，过足口瘾。仲有甜不辣，质感烟韧，配以甜甜辣辣嘅酱汁，好味。虽然份量唔多，但系因为主食已经好饱肚，少份量嘅小食反而唔会导致浪费食物，但又可以试多啲唔同嘅菜式，几好几好。芋香珍珠奶茶、蜂蜜芦荟乌龙，味道正常，颇有台湾风味。埋单仲要唔加一！非常抵食，如果再嚟到附近，都会encore嘅一间小店。