如意

营业中

休息中

今日去咗另一间系铜锣湾嘅餐厅食lunch omakase。 如意嘅位置好方便，喺正Times Square隔离，装修清雅舒适，呢两方面都攞满分。跟住讲吓寿司。我觉得整体来讲虽然说不上有什么惊喜，不过都合格嘅。食材都系新鲜嘅，不过就全部都系预期之中嘅选择以及次序。我唯一有少少意见嘅就系佢哋嘅寿司饭，我觉得偏林咗少少。反而我自己比较有意见嘅系服务方面。虽然侍应系有礼貌嘅，不过个师傅基本上一句都冇同我哋讲句嘢。当日𠮶位师傅serve四个客，当中包括我同我女朋友。我哋虽然有少少不满，因为真系唔知自己食紧咩，不过我哋都冇出声。另外𠮶两位就直头当面话咗个师傅一次，不过佢都仍然系唔出声，非常有性格😂正如我所讲，由于真系方便，食物亦可以，所以我都可能系会再嚟。不过如果能够再改善一下服务，我就会更加满意啦。